Sætaferð frá Akureyri á Prjónagleðina laugardaginn 8. júní 2024
Í samstarfi við SBA Norðurleið verður boðið upp á sætaferð frá Akureyri á Prjónagleðina laugardaginn 8. júní.
Lagt verður af stað frá Hofi á Akureyri klukkan 8.00 um morguninn og komið aftur til baka fyrir miðnætti sama dag.
Fargjaldið með prjónarútunni er 7.500 kr.
Ekki er neitt annað innifalið og getur fólk því valið hvað það vill gera á hátíðinni.
Hægt er að skrá sig á námskeið, kaupa prjónaarmband og fara á fyrirlestra eða bara njóta dagsins á Prjónagleðinni á eigin forsendum.
Ferðin endar með prjónagleði á prjónakvöldvöku í Krúttsalnum á Aðalgötunni á Blönduósi.
Njóta lífsins á Prjónagleðinni og Garntorginu
KAUPA NÁMSKEIÐ OG PRJÓNAARMBAND
